Pimpri: शहर खड्ड्यात !

एमपीसी न्यूज – पिंपरी-चिंचवड शहरात पावसाचे प्रमाण तुरळक असतानाही रस्त्यांची अक्षरशः चाळण झाली आहे. डांबरीकरणाचे रस्ते पूर्णपणे उखडले असून वाहनचालकांना तारेवरची कसरत करावी लागत आहे. शहरातील सर्वच भागातील रस्त्यावर खड्डे पडले आहेत.

शहरात अमृत योजनेअंतर्गत 24 तास पाणीपुरवठ्यासाठी नवीन जलवाहिन्या टाकणे, जलनि:सारणची कामे, भूमिगत गटारे आणि विविध केबल डक्टसाठी शहरात सर्वत्र खोदाई केली आहे. त्यामुळे अनेक ठिकाणी खड्डे पडले आहेत. पिंपरी, चिंचवड, वाकड, भोसरी, निगडी, पिंपळेगुरव, पिंपळेसौदागर, थेरगाव, डांगे चौक, भोसरी, एमआयडीसी, केएसबी चौक, भक्ती-शक्ती चौक परिसरातील सर्वत्र सेवा रस्त्यावर खड्डेच खड्डे पडले आहेत.