Pimpri : योगेश तोडकरी लिखित ‘अवर ड्रीम इंडिया’ पुस्तकाचे प्रकाशन

यावेळी प्रभू स्वामीजी, क्रांतिवीर चापेकर समितीचे कोषाध्यक्ष संजय कुलकर्णी व शाला समिती अध्यक्ष गतिराम भोईर, रिना मेहता, प्रा. विनोद तोडकरी, साहित्यिका बाबू डिसोझा, लेखक योगेश तोडकरी, अंकिता प्रकाशनच्या संचालिका अंकीता नगरकर, प्रा. दलाल, स्नेहा तोडकरी, क्रांतिवीर चापेकर समितीचे सदस्य आसाराम कसबे, व्यवस्थापक सिद्धेश्वर इंगळे, स्मिता जोशी, मुख्याध्यापिका वासंती तिकोने, जगन्नाथ देवीकर, नटराज जगताप, अश्विनी बाविस्कर, अतुल आडे व इतर शिक्षकवृंद उपस्थित होते.

रिना मेहता यांनी सुदृढ सशक्त भारत निर्मितीचे डोळसपणे पाहिलेले स्वप्न अशा सन्मानपूर्वक शब्दांत लेखकाच्या बुद्धिचातुर्याचे कौतुक केले. नवोदित लेखकांनी लिहिलेली पुस्तके अल्पदरात वाचकांपर्यंत पोहचविण्याचे काम अंकिता प्रकाशन करत आहे असे प्रकाशक अंकिता नगरकर यांनी प्रास्ताविकात नमूद केले.

सूत्रसंचालन सुनंदा नगरकर यांनी केले तर आभार डाॅ. अशोक नगरकर यांनी मानले.