Pimpri: ‘हाय रिस्क कॉन्टॅक्ट’मधील आणखी एक ‘कोरोना पॉझिटीव्ह’
साडेसात लाख नागरिकांचे सर्वेक्षण, 1873 होम क्वारंटाईन
एमपीसी न्यूज -पिंपरी चिंचवड शहरात गेल्या चार दिवसांच्या विश्रांतीनंतर आज ( बुधवारी) रुग्णालयात उपचार सुरु असलेल्या ‘हाय रिस्क कॉन्टॅक्ट’मधील पुरुष रुग्णाचा अहवाल पॉसिटीव्ह आला आहे. त्यामुळे शहरातील कोरोना पॉसिटीव्ह रुग्णांची संख्या नऊवर पोहोचली आहे.
दिल्लीच्या धार्मिक कार्यक्रमातून शहरात आलेल्यांपैकी दोघांना कोरोनाची लागण झाल्याचे गुरुवारी (दि.2) स्पष्ट झाले. त्यानंतर त्यांच्या ‘हाय रिस्क कॉन्टॅक्ट’मधील एकाला शुक्रवारी (दि.3) कोरोनाची लागण झाली. त्यानंतर शनिवारी (दि.4) एकाच दिवशी सहा कोरोना पॉझिटीव्ह रुग्ण आढळले. त्यामध्ये दिल्लीतून आलेल्यांच्या हाय रिस्क कॉन्टॅक्ट’मधील चार जण होते. त्यानंतर आज बुधवारी (दि. 8) त्यांच्या ‘हाय रिस्क कॉन्टॅक्ट’मधील आणखी एकाला कोरोनाची लागण झाली आहे. हा रुग्ण पुरुष आहे.
आजचा अहवाल
दाखल झालेले संशयित रुग्ण – 26
पॉझिटीव्ह रुग्ण – 1
निगेटीव्ह रुग्णांची संख्या – 32
चाचणी अहवाल प्रतिक्षेतील रुग्ण संख्या – 26
रुग्णालयात दाखल रुग्ण – 34
डिस्चार्च झालेले रुग्ण – 34
सर्वेक्षण केलेली लोकसंख्या – 7 लाख 47 हजार 249