Pimpri : लहानपणीचे खेळ खेळून महिला दिन उत्साहात साजरा
एमपीसी न्यूज – मोबाईल आणि डिजीटल युग यामुळे विसर पडलेल्या बालपणाचे जुने खेळ खेळून लायनेस क्लब व सखी सहेली महिला प्रतिष्ठानच्या वतीने जागतिक महिला दिन आगळ्या वेगळ्या पद्धतीने साजरा करण्यात आला. यावेळी विट्टी दांडू, दोऱ्यावरच्या उड्या, लंगडी, सागर गोटे, गोट्या कंच्या, शिवणापाणी असे अनेक खेळ खेळण्यात आले.
या कार्यक्रमाचे आयोजन लायनेस क्लब सदस्या व सखी सहेली महिला प्रतिष्ठानच्या आध्यक्षा नंदा फुगे तसेच लायनेस क्लब मट्रोपोलिस, अ्कटिवच्या अध्यक्षा भाग्यश्री मोरे,व अध्यक्षा दिपा जाधव यांनी केले होते. याप्रसंगी सर्व महिलांनी स्वतः आनंदी आणि निरोगी राहण्याची प्रतिज्ञा केली. त्यानंतर घेण्यात आलेल्या विवीध खेळांच्या स्पर्धांमध्ये घर काम करणाऱ्या महिला, सफाई कामगार महिला, लायन्स व लायनेस सदस्या, सखी सहेली प्रतिष्ठान सदस्या यांच्यासह सर्व महिलांनी उत्सफूर्त भाग घेतला.