Pune : शहरात आज 168 जणांना डिस्चार्ज; 7 मृत्यू, 87 नवे रुग्ण
New 87 coronavirus cases detected, 7 covid19 deaths and 168 cured patients discharged today in Pune
एमपीसी न्यूज – पुणे महापालिकेच्या आरोग्य खात्याने दिलेल्या माहितीनुसार शहरात कोरोनाबाधित नवीन रुग्णांची दिवसभरातील संख्या 87 झाली आहे. तर सात जणांचा मृत्यू झाला. 168 जण ठणठणीत बरे झाले. त्यांना डिस्चार्ज देण्यात आला.
सध्या पुण्यात ससून रुग्णालय, नायडू रुग्णालय आणि खाजगी रुग्णालयांमध्ये मिळून असलेल्या क्रिटिकल रुग्णांची संख्या शंभरीच्या पुढे गेली असून सध्या 115 रुग्ण क्रिटिकल आहेत. त्यातील 32 रुग्ण व्हेंटिलेटरवर उपचार घेत आहेत.
पुण्यातील आत्तापर्यंतची पॉझिटिव्ह रुग्ण संख्या 2,824 आणि अॅक्टिव्ह रुग्ण संख्या 1,284, एकूण मृत्यू 163 झाले आहेत.दिवसभरात डिस्चार्ज मिळालेल्या रुग्णांची संख्या दिलासादायक आहे. मात्र, व्हेंटिलेटरवर असलेले आणि क्रिटिकल रुग्ण यांच्या संख्येत झालेली वाढ काळजी वाढविणारी आहे.
ससूनमध्ये बुधवारी आणखी 4 जणांचा कोरोनामुळे बळी गेला. यामध्ये 2 महिला आणि 2 पुरुषांचा समावेश आहे. या रुग्णालयात आतापर्यंत 97 जणांचा मृत्यू झाला आहे. तर, 103 रूग्णांना डिस्चार्ज देण्यात आला आहे.
पुणे जिल्हयात 3 हजार 258 बाधीत रुग्ण असून 1 हजार 358 कोरोना बाधित रुग्ण बरे होवून घरी गेले आहेत. ॲक्टीव रुग्ण संख्या 1 हजार 730 आहे. कोरोनाबाधित एकूण 170 रुग्णांचा मृत्यू झाला आहे. तसेच 117 रुग्ण गंभीर असून उर्वरित निरीक्षणाखाली आहेत.
पुणे कोरोना अपडेट : बुधवार, १३ मे,२०२०
पशहरात आज नव्याने ८७ कोरोनाबाधित रुग्णांची नोंद झाली असून एकूण संख्या २,८२४ झाली आहे. तर १६८ रुग्ण कोरोनामुक्त झाले असून सध्या १,२८४ रुग्णांवर उपचार सुरू आहेत. तर आज ०७ जणांचा मृत्यू झाला आहे. पुण्यात आज १,२०५ स्वॅब टेस्ट घेण्यात आल्या. pic.twitter.com/zNUbVt2vYI
— Murlidhar Mohol (@mohol_murlidhar) May 13, 2020