Pune : कोरोनाबाधीत सहायक फौजदाराचा उपचारादरम्यान मृत्यू
एमपीसीन्यूज : पुणे शहर पोलीस दलातील सहायक फौजदार दिलीप पोपट लोंढे ( वय 57) यांचा कोरोनामुळे आज ( सोमवारी) भारती हॉस्पिटलमध्ये उपचार सुरु असताना मृत्यू झाला. ते फरासखाना पोलीस ठाण्यात कार्यरत होते.
पुण्यातील फरासखाना पोलीस स्टेशनचे सहाय्यक पोलीस उपनिरीक्षक श्री दिलीप पोपट लोंढे (५७) यांचा कोरोना विरुद्ध लढताना मृत्यू झाला.
महाराष्ट्र पोलीस महासंचालक व महाराष्ट्र पोलीस दलाचे सर्व अधिकारी आणि कर्मचारी त्यांच्या कुटुंबियांप्रति सहानुभूती व्यक्त करत आहेत.— Maharashtra Police (@DGPMaharashtra) May 4, 2020
‘एनएनआय’ ने ही माहिती दिली आहे. लोंढे हे लॉकडाऊनमध्ये पोलीस बंदोबस्तावर असताना त्यांना कोरोनाची लागण झाली होती. त्यामुळे त्यांच्यावर भारती हॉस्पिटलमध्ये उपचार सुरु होते. लोंढे यांना १२ दिवसांपासून व्हेन्टिलेटरवर ठेवण्यात आले होते. दरम्यान, आज ( सोमवारी) उपचार सुरु असताना त्यांचे निधन झाला. त्यामुळे पोलीस दलावर शोककळा पसरली. कोरोनामुळे पुण्यात झालेला पोलीस दलातील हा पहिला मृत्यू आहे.
लोंढे यांना उच्च रक्तदाब आणि स्थूलपणाचा आजार होता, अशी माहिती भारती रुग्णालयाचे उप वैद्यकीय संचालक डॉ. जितेंद्र ओसवाल यांनी सांगितले.
