BNR-HDR-TOP-Mobile

Pune : भारती विद्यापीठ अभियांत्रिकी महाविद्यालयाच्या विद्यार्थ्याला आंतरराष्ट्रीय प्लेसमेंट

एमपीसी न्यूज – भारती अभिमत विद्यापीठ अभियांत्रिकी महाविद्यालयाचा विद्यार्थी राहुल मैनी याला ‘एमिरेट’ या दुबईच्या कंपनीत आंतरराष्ट्रीय प्लेसमेंट मिळाली असल्याची माहिती प्राचार्य डॉ. आनंद भालेराव यांनी पत्रकाद्वारे दिली . या प्लेसमेंट नुसार त्याला वार्षिक 34 लाख रुपयांचे पॅकेज मिळणार आहे .राहुल मैनी हा आंतरराष्ट्रीय प्लेसमेंट मिळविणारा या महाविद्यालयाच्या ‘ट्रेनिंग अँड प्लेसमेंट ‘ सेलचा पहिला विद्यार्थी ठरला आहे .

या प्लेसमेंट साठी निवड होण्यासाठी त्याला प्रवेश परीक्षा आणि त्री -स्तरीय मुलाखतींच्या फेऱ्यांमधून पुढे जावे लागले . अभियांत्रिकी विद्यार्थ्यांची कौशल्ये वृद्धिंगत करण्याबरोबरच त्यांना रोजगार संधींसाठी सक्षम करण्यासाठी महाविद्यालय विविध प्रशिक्षण उपक्रमांद्वारे परिश्रम घेत असून त्याचा विद्यार्थ्यांचे भविष्य घडविण्यास फायदा होत असल्याचे डॉ. आनंद भालेराव यांनी सांगितले.

HB_POST_END_FTR-A2

HB_POST_END_FTR-A3