Pune Corona Update : शहरात आज 5 हजार 480 नव्या रुग्णांची नोंद, 2674 जणांना डिस्चार्ज
एमपीसी न्यूज – पुणे शहरातील कोरोनाच्या रुग्णसंख्येचा आकडा वाढतच असल्याचे चित्र आहे . शहराच्या विविध भागातील 5 हजार 480 नवीन कोरोना बाधित रुग्णांची आज (सोमवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 2 हजार 674 जणांना डिस्चार्ज देण्यात आला.
कोरोनामुळे शहरातील एका रुग्णाचा आज मृत्यू झाला. आजपर्यंत शहरातील 9 हजार 134 जणांचा कोरोनामुळे मृत्यू झाला. शहरातील 5 लाख 48 हजार 469 जणांना आजपर्यंत कोरोनाची लागण झाली. सध्या 28 हजार 542 सक्रिय रुग्ण शहरात आहेत, यामध्ये आज दिवसभरात 5 हजार 480 नवीन कोरोना बाधित रुग्णांची नव्याने नोंद झाली.
पुणे कोरोना अपडेट : शुक्रवार, दि. १४ जानेवारी २०२२
◆ उपचार सुरु : २८,५४२
◆ नवे रुग्ण : ५,४८० (५,४८,४६९)
◆ डिस्चार्ज : २,६७४ (५,१०,७९३)
◆ चाचण्या : २०,१४९ (४०,६८,३२१)
◆ मृत्यू : १ (९,१३४)#PuneFightsCorona #CoronaUpdate pic.twitter.com/04sQoTj4cn— Murlidhar Mohol (@mohol_murlidhar) January 14, 2022
तर, शहरात आज दिवसभरात 20 हजार 149 नागरिकांची कोरोना चाचणी करण्यात आली. आजपर्यंत 40 लाख 69 हजार 321 कोरोना चाचण्या करण्यात आल्या आहेत.
शहरात कोरोना रुग्णवाढीचा आलेख वाढताच पाहायला मिळत आहे, तरीही नागरिकांनी स्वतःची काळजी घेण्याचे आवाहन प्रशासनाकडून करण्यात येत आहे.
