Pune : पुनीत बालन ग्रुपच्या वतीने दीडशेहून अधिक पत्रकारांची कोरोना पूर्व चाचणी

एमपीसी न्यूज – कोरोनाचा प्रादुर्भाव असतानाही सामान्य नागरिकांपर्यंत योग्य आणि अधिकृत माहिती पोहचवण्याचे काम शहरातील पत्रकार करत आहेत. प्रत्यक्ष फिल्डवर काम करणाऱ्या पत्रकारांना स्वॅब टेस्टिंगची गरज आहे किंवा नाही हे सांगणारी कोरोना पूर्व चाचणी पुनीत बालन ग्रुपच्या वतीने घेण्यात आली, यामध्ये दीडशेहून अधिक पत्रकारांची तपासणी करण्यात आली.

पुणे श्रमिक पत्रकार संघ येथे महापौर मुरलीधर मोहोळ यांच्या पुढाकारातून पुनीत बालन ग्रुप आणि मेट्रो मेडिकल फाउंडेशनच्या वतीने या कोरोना पूर्व चाचणीचे विनामूल्य आयोजन करण्यात आले होते.

याप्रसंगी महापौर मुरलीधर मोहोळ, पुनीत बालन ग्रुपचे अध्यक्ष पुनीत बालन, पुणे श्रमिक पत्रकार संघाचे अध्यक्ष प्रसाद कुलकर्णी, सरचिटणीस चंद्रकांत हंचाटे,  खजिनदार सुनील जगताप, विनोद सातव, मेट्रो मेडिकल फाऊंडेशनचे डॉ. रणजीत निकम,  डॉ. शैलेंद्र माने, डॉ. राजेंद्रसिंह राजपुरोहित,  सचिन गुळवे,  कॅलिडस मीडिया अकॅडमीचे पंकज इंगोले आदी  उपस्थित होते.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

_MPC_POSTEND_MAT_1