Pune Corona Update : पुण्यात 121 नवे कोरोना पॉझिटिव्ह रुग्ण ; 151 जणांना डिस्चार्ज
एमपीसी न्यूज : सुटीमुळे कोरोना टेस्टची संख्या घटलेली दिसत आहे. आज दिवसभरात 121 नवे कोरोना पॉझिटिव्ह रुग्ण सापडले, तर 151 कोरोनामुक्त रुग्णांना घरी सोडण्यात आले.
आज 206 जणांची प्रकृती चिंताजनक असून 293 जण ऑक्सिजन बेडवर उपचार घेत आहेत. आज दिवसभरात 6 रुग्णांचा दुर्दैवी मृत्यू झाला. तर ॲक्टिव्ह रुग्णांची संख्या 2 हजार 462 इतकी झाली आहे. आजपर्यंत 1 लाख 76 हजार 124 कोरोनामुक्त नागरिकांना घरी सोडण्यात आले आहे.
महापालिका प्रशासनाकडून पुणेकरांना विनंती केली जात आहे की निर्धास्त न राहता घराबाहेर पडताना विविध ठिकाणी वावरताना तोंडाला मास्क लावा. हँड सॅनिटायजर आणि सोशल डिस्टंन्सिग नियमांचे पालन करण्याचेही निर्देश दिले आहेत.
तसेच सौम्य ते तीव्र लक्षणे आढळल्यास तातडीने अँटीजेन, स्वॅब टेस्टींग करून खबरदारी घ्यावी. तसेच पॉजिटिव्ह आढळल्यास घरातच विलगीकरण करावे. नजिकच्या रुग्णालयात औषधोपचार सुरू करण्याचे आवाहन केले आहे.
