Pune Corona Update : 1838 रुग्ण कोरोनामुक्त, 1916 नवे रुग्ण, 43 जणांचा मृत्यू
आतापर्यंत कोरोनामुळे 2 हजार 668 नागरिकांचा मृत्यू झाला आहे. 16 हजार 712 ॲक्टिव्ह रुग्ण आहेत, अशी माहिती पुणे महापालिकेच्या आरोग्य विभागातर्फे देण्यात आली आहे.
एमपीसी न्यूज – पुणे शहरात कोरोनाच्या आजारातून बरे होणाऱ्यांची संख्या दिवसेंदिवस वाढत आहे. गुरुवारी (दि. 10 सप्टेंबर) तब्बल 1838 रुग्ण या आजारातून मुक्त झाले. तर 6 हजार 795 कोरोनाच्या चाचण्या करण्यात आल्या. त्यामध्ये 1 हजार 916 नवे रुग्ण आढळले. 43 जणांचा मृत्यू झाला.
सध्या शहरात 940 क्रिटिकल रुग्ण असून, त्यात 485 जण व्हेंटिलेटरवर आहेत. कोरोनाचे पुणे शहरात 1 लाख 13 हजार 832 रुग्ण झाले आहेत. 94 हजार 452 रुग्णांनी वेळीच उपचार घेतल्याने कोरोनावर मात केली आहे.
आतापर्यंत कोरोनामुळे 2 हजार 668 नागरिकांचा मृत्यू झाला आहे. 16 हजार 712 ॲक्टिव्ह रुग्ण आहेत, अशी माहिती पुणे महापालिकेच्या आरोग्य विभागातर्फे देण्यात आली आहे.
पुणे शहरात कोरोनाच्या आजारातून बरे होणाऱ्यांचे प्रमाण वाढले आहे. कोरोनावर सध्या काहीही औषध नसले तरी सॅनिटायजर, मास्क, फिजिकल डिस्टन्स पाळण्याचे आवाहन प्रशासनाकडून करण्यात येत आहे. कोरोनाचे संकट आटोक्यात आणण्यासाठी पुणे महापालिकेतर्फे विविध उपाययोजना करण्यात येत आहेत.
पुणे शहरात कोरोनाचे रुग्ण वाढत असले तरी नागरिकांनी घाबरून जाऊ नये, तर खबरदारी घेण्याचे आवाहन करण्यात आले आहे. पुण्यात सर्वाधिक कोरोनाच्या चाचण्या करण्यात येत आहेत.
सुरुवातीला शहराच्या मध्यवर्ती भागांत कोरोनाचे संकट गंभीर होते. ते आता उपनगरात मोठ्या प्रमाणात वाढत आहे. त्यामुळे नागरिकांनी अधिक सावध होण्याची गरज आहे.
