Pune Corona Update : दिवसभरात नवे 199 कोरोनाबाधित; 225 रुग्णांना डिस्चार्ज!
एमपीसी न्यूज – पुणे शहरात आज (बुधवारी) नव्याने 199 कोरोनाबाधित रुग्णांची नोंद झाली असून 225 रुग्णांना डिस्चार्ज दिल्याची नोंद करण्यात आली आहे.
शहरातील एकूण कोरोनाबाधित रुग्णांची संख्या आता 4 लाख 98 हजार 667 इतकी तर एकूण डिस्चार्ज संख्या 4 लाख 87 हजार 823 झाली आहे. शहरात उपचार घेणाऱ्या रुग्णांपैकी 188 रुग्ण गंभीर आहेत.
पुणे महापालिका हद्दीत नव्याने 08 आणि पुण्याबाहेरील 05 कोरोनाबाधित रुग्णांच्या मृत्यूंची नोंद झाली असून आजच्या नव्या संख्येसह मृतांची एकूण संख्या 8 हजार 986 इतकी झाली आहे. शहरात आज एकाच दिवसात 7 हजार 973 नमुने घेण्यात आले आहेत. पुण्यातील एकूण ॲक्टिव्ह रुग्णसंख्या 1858 इतकी झाली आहे.
नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
