Pune Corona Update : पुण्यात 331 रुग्णांना डिस्चार्ज; 220 नव्या रुग्णांची नोंद
एमपीसी न्यूज – पुण्यात आज दिवसभरात 220 नव्या कोरोनाबाधितांची तर 331 रुग्णांना डिस्चार्ज दिल्याची नोंद करण्यात आली आहे. पुणे पालिका हद्दीत 15 कोरोनाबाधित रुग्ण तर पुण्याबाहेरील 10 रुग्णांचा मृत्यू झाला आहे.
आजच्या नव्या संख्येसह मृतांची एकूण संख्या 8 हजार 542इतकी झाली आहे. शहरात 342 गंभीर रुग्णांवर उपचार सुरु आहेत.
आजपर्यंत एकूण पॉझिटिव्ह रुग्णसंख्या 4 लाख 76हजार 210 इतकी झाली आहे. पुण्यात आतापर्यंत एकूण 4 लाख 65 हजार 314 जणांना डिस्चार्ज देण्यात आला आहे. तर पुणे शहरात आज एकाच दिवसात 4 हजार 878 नमुने घेण्यात आले, तर पुण्यातील ॲक्टिव्ह रुग्णसंख्या 2,354झाली आहे.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.
