Pune Corona Update: कोरोनाचे 807 नवे रुग्ण, 619 कोरोनामुक्त, 9 जणांचा मृत्यू
Pune Corona Update: 807 new corona patients, 619 corona free, 9 died कोरोनामुक्तांचे प्रमाण 62 टक्के, कोरोना मृत्यूदर 3.45 टक्के तर सक्रिय कोरोना रुग्णांचे प्रमाण 35 टक्क्यांपेक्षा कमी
एमपीसी न्यूज – कोरोनाच्या चाचण्या वाढविण्यात आल्याने मागील 3 दिवसांपासून कोरोनाचे 800 च्या वर रुग्ण आढळून येत आहेत. शुक्रवारी सुद्धा दिवसभरात 807 रुग्ण आढळून आले. 619 जण या रोगातून बरे झाल्याने त्यांना डिस्चार्ज देण्यात आला. तर, 9 जणांचा मृत्यू झाला.
पुणे शहरातील कोरोनाबाधितांची एकूण संख्या 19 हजार 849 पर्यंत पोहचली आहे. त्यापैकी 12 हजार 290 जणांनी कोरोनावर मात केली आहे. आतापर्यंत या रोगामुळे 685 जणांचा मृत्यू झाला आहे. पुण्यातील सक्रिय रुग्णसंख्या 6 हजार 874 आहे. त्यापैकी 389 क्रिटिकल रुग्ण असून त्यात 59 जण व्हेंटिलेटरवर उपचार घेत आहेत.
आज कोरोनाच्या तब्बल 4 हजार 250 चाचण्या करण्यात आल्या, अशी माहिती पुणे महापालिकेच्या आरोग्य विभागातर्फे देण्यात आली आहे.
कोथरूडमधील 74 वर्षीय पुरुषाचा दिनानाथ मंगेशकर हॉस्पिटलमध्ये, वारजेतील 67 वर्षीय पुरुषाचा दिनानाथ मंगेशकर हॉस्पिटलमध्ये, हडपसरमधील 70 वर्षीय पुरुषाचा ससून हॉस्पिटलमध्ये, धायरीतील 66 वर्षीय पुरुषाचा नोबेल हॉस्पिटलमध्ये, लोहियानगरमधील 70 वर्षीय महिलेचा राव नर्सिंग होममध्ये, बोपोडीतील 65 वर्षीय पुरुषाचा D. H. औंध हॉस्पिटलमध्ये, दांडेकर पूल परिसरातील 62 वर्षीय महिलेचा ससून हॉस्पिटलमध्ये, वडगाव बुद्रुकमधील 85 वर्षीय पुरुषाचा दिनानाथ मंगेशकर हॉस्पिटलमध्ये, टिंगरेनगरमधील 73 वर्षीय पुरुषाचा जहांगीर हॉस्पिटलमध्ये कोरोनामुळे मृत्यू झाला.
