Pune Corona Update : आजही कोरोना रुग्णसंख्या हजारच्या आत, 1 हजार 158 रुग्णांना डिस्चार्ज

एमपीसी न्यूज – पुण्यात कोरोनाचा रुग्णांची संख्या घटताना दिसत आहे. आजही पुण्यातील रुग्णसंख्या एक हजाराच्या आत नोंदवण्यात आली.  दिवसभरात शहरात नव्याने 683 नव्या कोरोनाबाधितांची तर1 हजार 158 रुग्णांना डिस्चार्ज देिल्याची नोंद करण्यात आली आहे. 

महापालिका हद्दीत नव्याने 37 कोरोनाबाधित रुग्णांच्या मृत्यूची नोंद झाली आहे.आजच्या नव्या संख्येसह मृतांची एकूण संख्या 8 हजार 115 इतकी झाली आहे. शहरात उपचार घेणाऱ्या 8 हजार 356 रुग्णांपैकी 1020 रुग्ण गंभीर तर 2124 रुग्ण ऑक्सिजनद्वारे उपचार घेत आहेत.

आजपर्यंत एकूण पॉझिटिव्ह रुग्णसंख्या 4 लाख 67 हजार 541  इतकी झाली आहे.  पुण्यात आतापर्यंत एकूण 4 लाख 51 हजार 070 जणांना डिस्चार्ज देण्यात आला आहे, तर पुणे शहरात आज एकाच दिवसात 8 हजार 751 नमुने घेण्यात आले आहेत. शहराची एकूण टेस्ट संख्या आता 24 लाख 60 हजार 516 इतकी झाली आहे.

तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.