Pune Corona Update : धोका वाढतोय ! दिवसभरात नवे 3111 कोरोनाबाधित
शहरातील 1 हजार 094 कोरोनाबाधितांना डिस्चार्ज; 16 मृत्यू
एमपीसीन्यूज : पुणे शहरात आज, शनिवारी नव्याने 3 हजार 111 कोरोनाबाधित रुग्णांची नोंद झाली. त्यामुळे शहरातील कोरोना रुग्णांची एकूण संख्या आता 2 लाख 32 हजार 494 इतकी झाली आहे.
पुणे महापालिका हद्दीत नव्याने 16 कोरोनाबाधित रुग्णांच्या मृत्यूची नोंद झाली. आजच्या नव्या संख्येसह मृतांची एकूण संख्या 5 हजार 033 इतकी झाली आहे.
पुणे शहरात आज एकाच दिवसात 14 हजार 484 नमुने घेण्यात आले आहेत. त्यामुळे शहराची एकूण टेस्ट संख्या आता 13 लाख 13 हजार 870 इतकी झाली आहे.
शहरात उपचार घेणाऱ्या 20 हजार 889 रुग्णांपैकी 538 रुग्ण गंभीर, तर 921 रुग्ण ऑक्सिजनद्वारे उपचार घेत आहेत.
शहरातील 1 हजार 094 कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या 2 लाख 06 हजार 572 झाली आहे.