Pune : थाळ्या वाजवून गणेश मंडळाने केला डीजे बंदीचा निषेध
एमपीसी न्यूज- मुंबई उच्च न्यायालयाने डीजे आणि डॉल्बी वाजविण्यावर बंदी घातल्यामुळे अनेक गणेशमंडळांच्या कार्यकर्त्यांचा विरस झाला आहे. अनेक मंडळांनी पोलिसांच्या विरोधाला न जुमानता न्यायालयाच्या आदेशाची पायमल्ली करीत डीजे वाजवले. तर काही मंडळांनी फ्लेक्सद्वारे आपला निषेध नोंदवला. पुण्यातील एका मित्रमंडळाने टिळक रस्त्यावर चक्क जोरजोरात थाळ्या वाजवून डीजेबंदीचा निषेध केला.