Pune Ganeshotsav : गणरायाच्या आगमन सोहळ्यानिमित्त पुण्यात मंगळवारी वाहतुकीत बदल
एमपीसी न्यूज – पुण्यातील गणेशोत्सव (Pune Ganeshotsav) हा भव्य असतो. या गणेशोत्सवासाठी खूप दुरवरून गणेश भक्त येतात. याच गणरायाची उद्या (मंगळवारी) प्राण प्रतिष्ठापना करण्यात येणार आहे. या काळात होणारी वाहतूक कोंडी टाळण्यासाठी पुणे वाहतूक पोलिसांनी वाहतुकीत बदल केले आहेत.
छत्रपती शिवाजी रस्त्यावरील शनिवारवाडा परिसरात खरेदीसाठी भाविकांची गर्दी होत असल्याने डेंगळे पूल ते शिवाजी पूल, कसबा पेठ, जिजामाता चौक, सारसबाग परिसरातील सावरकर पुतळा चौक ते समाधान भेळ सेंटर (सिंहगड रस्ता) परिसरात वाहतूक बदल करण्यात येणार आहेत, अशी माहिती वाहतूक शाखेचे पोलीस उपायुक्त विजयकुमार मगर यांनी दिली.
छत्रपती शिवाजी रस्त्यावरील गाडगीळ पुतळा चौक ते गोटीराम भैय्या चौक (मंडई) परिसरात वाहतुकीस बंद राहणार आहे. वाहनचालकांनी गाडगीळ पुतळा चौकातून डावीकडे वळून कुंभारवेस चौक, शाहीर अमर शेख चौकमार्गे इच्छितस्थळी जावे. संचेती चौकाकडून छत्रपती शिवाजी रस्त्याने स्वारगेटकडे जाणाऱ्या वाहनचालकांनी स. गो. बर्वे चौकातून (मॉडर्न कॅफे चौक), जंगली महाराज रस्ता, खंडुजीबाबा चौक, टिळक रस्त्याने इच्छितस्थळी जावे. सावरकर पुतळा चौक ते समाधान भेळ सेंटर (सिंहगड रस्ता) परिसरात मूर्ती विक्रेत्यांनी तात्पुरती दुकाने थाटली आहेत.
या भागात वाहनचालकांनी वाहने लावू नयेत. मुंढव्यातील केशवनगर भागात होणारी गर्दी विचारात घेऊन या भागात वाहतूक बदल करण्यात आले आहेत.
मध्यभागातील वाहतुकीस खुले रस्ते – Pune Ganeshotsav
- फडके हौद चौक ते जिजामाता चौक ते फुटका बुरूज चौक
- अप्पा बळवंत चौक ते बुधवार चौक ते मोती चौक
- सोन्यामारुती चौक ते बेलबाग चौक ते सेवासदन चौक
- मंगला चित्रपटगृहसमोरील प्रिमिअर गॅरेज गल्ली ते खुडे चौक (डेंगळे पूल)
Chakan : टेम्पोच्या धडकेत दुचाकीस्वाराचा मृत्यू
वाहने लावण्यासाठी व्यवस्था –
कामगार पुतळा चौक ते छत्रपती शिवाजी पुतळा चौक दरम्यान एका बाजुला वाहने लावण्यास परवानगी देण्यात आली आहे. महापालिका वीजभरणा केंद्र ते गाडगीळ पुतळा चौक दरम्यान रस्त्याच्या दोन्ही बाजुला वाहने लावण्यास परवानगी देण्यात आली आहे.
टिळक पूल ते भिडे पूल दरम्यान नदीपात्रातील रस्त्यावर वाहने लावण्यास परवानगी देण्यात आली आहे. मंडईतील सतीश मिसाळ वाहनतळ, हुतात्मा बाबू गेनू वाहनतळ येथे वाहने लावता येतील. शाहू चौक (फडगेट पोलीस चौकी) ते राष्ट्रभूषण चौक दरम्यान रस्त्याच्या दोन्ही बाजूला वाहने लावण्याची मुभा देण्यात आली आहे.
छत्रपती शिवाजी रस्त्यावरुन स्वारगेटकडे जाणाऱ्य पीएमपी बसच्या मार्गात बदल करण्यात आला आहे. स. गो. बर्वे चौक, जंगली महाराज रस्ता, टिळक रस्तामार्गे बस जातील. महापालिकेकडून स्वारगेटकडे जाणाऱ्या पीएमपी बस जंगली महाराज रस्त्याने जातील.
