Pune : बिबवेवाडी येथील कोविड रुग्णालयाची जिल्हाधिकारी, आयुक्तांकडून पाहणी

Inspection of Kovid Hospital at Bibwewadi by the Collector, Commissioner

एमपीसी न्यूज – जिल्हाधिकारी नवल किशोर राम व पुणे महानगरपालिकेचे आयुक्त विक्रम कुमार यांनी सोमवारी बिबवेवाडी येथे तयार करण्यात येत असलेल्या कोवीड रुग्णालयाला भेट देवून पाहणी केली. कामगार विमा विभागाच्यावतीने उभारण्यात येत असलेल्या रुग्णालयाच्या सोई सुविधांची पाहणी करुन काही त्रूटींची पूर्तता करण्याबाबत सूचना दिल्या. कोविड रुग्णालय गतीने उभे करण्यासाठी जिल्हा प्रशासन सर्वतोपरी सहकार्य करणार असल्याचेही जिल्हाधिकारी राम यांनी सांगितले.

यावेळी आमदर माधुरी मिसाळ, तहसिलदार तृप्ती कोलते पाटील, डॉ. सुनिल जगताप आदींसह कामगार विमा विभागाचे प्रमुख अधिकारी, डॉक्टर उपस्थित होते.

बिबवेवाडी येथे केंद्रीय कामगार कल्याण विभागाच्या वतीने नव्याने कोवीड रुग्णालयाची उभारणी करण्यात येत आहे. जिल्हाधिकारी राम व मनपा आयुक्त विक्रमकुमार यांनी रुग्णालयातील नव्याने उभारणी सुरू असलेल्या अतिदक्षता विभाग, विलगीकरण कक्ष व अन्य विविध कक्षांची पाहणी केली.

_MPC_DIR_MPU_II

त्याचबरोबर कोविड 19 च्या उपचारासाठी आवश्यक असणा-या सर्व वैद्यकीय सेवा सुविधा देण्यासाठी रुग्णालयाला आवश्यक ती सर्व साधनसामग्री उपलब्ध करून देण्यासाठी जिल्हा प्रशासन सर्वतोपरी सहकार्य करेल.

रुग्णालयाचे काम जलद गतीने पूर्ण करा, ऑक्सीजन व्यवस्था तसेच इतरही अत्यावश्यक व्यवस्थांची उभारणीही तत्परतेने करावी, अशा सूचनाही जिल्हाधिकारी राम यांनी दिल्या.

तसेच कोविड रुग्णालय उभारणीत सोईसुविधांबाबत ज्या काही आवश्यक सुधारणा करावयाच्या आहेत. त्याबाबत संबंधीत यंत्रणेला सूचना देवून त्याची पूर्तता करुन घेणे आवश्यक असल्याचे सांगितले.

माधुरी मिसाळ यांनी बिबवेवाडी येथे कोविड रुग्णालय लवकरात लववकर सुरू करण्यासाठी आपण सातत्याने पाठपुरावा करत असल्याचे सांगून या रुग्णालयाची 100 खाटांची क्षमता तसेच अतीदक्षता विभाग, व्हेंटीलेटर्स सुविधाही उभारली जाणार असल्याचे सांगितले.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.