Pune : काँग्रेसमुळेच पुणे शहराला आले भरभराटीचे स्वरूप – रवींद्र धंगेकर
याप्रसंगी पुणे लोकसभा निवडणूक प्रचारप्रमुख व माजी आमदार मोहन जोशी म्हणाले की, या निवडणुकीतील ही पहिलीच पदयात्रा असून नागरिकांचा मोठा उत्स्फूर्त प्रतिसाद उमेदवार रवींद्र धंगेकर यांना मिळत आहे. असेच वातावरण सर्व पुण्यात असून रवींद्र धंगेकर हे चांगल्या मताधिक्याने विजयी होतील याची प्रचीतीच या पदयात्रेला मिळत असलेल्या उत्स्फूर्त प्रतिसादावरून दिसून येते. निवडणूक उमेदवारी अर्ज दाखल केल्यानंतर आज पासून लगेच धंगेकर यांनी पुणे शहरातील मतदारांच्या भेटीगाठीसाठी आपल्या धडाकेबाज पदयात्रांना प्रारंभ केला. आज कसबा विधान मतदार संघात ग्रामदैवत कसबा गणपतीची आरती करून त्यांची जीप यात्रा / पदयात्रा सुरु झाली व स. प. महाविद्यालय चौक येथे समाप्त झाली त्यानंतर ते बोलत होते. पुण्यातून निवडून गेलेल्या काँग्रेसच्या सर्वच खासदारांनी प्रयत्नांची शिकस्त करून शहराच्या वैभवात भर घातली आहे, याची जाणही पुणेकरांना आहे असे ते म्हणाले. आपणही अशीच दैदिप्यमान कामगिरी करून पुणेकरांचा विश्वास सार्थ ठरवू असा विश्वास त्यांनी शेवटी व्यक्त केला.
