Pune : पुण्यातील सदाशिव पेठेत तरुणीवर कोयत्याने वार करणाऱ्या तरुणावर ‘एमपीडीए’ कारवाई

शंतनू लक्ष्मण जाधव (वय 20, रा. डोंगरगाव, ता. मुळशी, जि. पुणे) असे कारवाई केलेल्या आरोपीचे नाव आहे. शंतनूने एकतर्फी प्रेमातून पेरुगेट चौकीजवळ एका महाविद्यालयीन तरुणीचा पाठलाग करून तिच्यावर कोयत्याने वार केले होते. या घटनेमुळे शहरात खळबळ उडाली होती.

मागील पाच वर्षांत आरोपीविरुद्ध विश्रामबाग आणि कोथरूड पोलिस ठाण्यात खुनाचा प्रयत्न, विनयभंग, गंभीर दुखापत असे गंभीर स्वरूपाचे तीन गुन्हे दाखल आहेत. विश्रामबाग पोलिसांनी त्याच्याविरुद्ध ‘एमपीडीए’ कायद्यान्वये कारवाई करण्याचा प्रस्ताव तयार केला. पोलिस आयुक्त रितेश कुमार यांनी या प्रस्तावास मंजुरी ( Pune) दिली.