Pune : कोरोनाच्या संकट काळात महापालिकेला 300 डॉक्टरांची गरज
The municipality needs 300 doctors during the Corona crisis
एमपीसी न्यूज – पुणे शहरात कोरोनाचे संकट दिवसेंदिवस गंभीर होत असल्याने महापालिकेला 300 डॉक्टर व तेवढ्याच परिचारिका द्याव्यात, अशी मागणी महापालिकेतर्फे राज्य शासनाकडे करण्यात आली आहे.
शहरात रोज कोरोनाचे रुग्ण वाढत असल्याने महापालिकेतर्फे बालेवाडीमध्ये 1 हजार खाटांचे रूग्णालय तयार करण्यात आले आहे. शासनातर्फे डॉक्टर व परिचारिका आल्यानंतर बालेवाडीत कोरोना रुग्णांसाठी रुग्णालय सुरू करता येणार आहे.
पुण्यात सध्या कोरोनाच्या मोठ्या प्रमाणात चाचण्या करण्यात येत आहेत. त्यामुळे रोज सरासरी 200 रुग्ण वाढतआहेत. सध्या 7 हजार बेड्स सज्ज आहेत. शहरात केवळ 2 हजार 190 रुग्ण कोरोनाचे उपचार घेत आहेत.
महापालिका प्रशासनातर्फे मे अखेरीस 5 हजार कोरोना रुग्ण होण्याची शक्यता व्यक्त करण्यात आली होती. त्यामध्ये आता वाढ झाली आहे.
सध्या कोरोनाबाधितांची संख्या साडे पाच हजारांवर गेली आहे. आणखी 4 दिवसांनी त्यामध्ये वाढ होण्याची भीती व्यक्त करण्यात येत आहे. पुणे शहरात बुधवारी कोरोनाचे 5 हजार 533 कोरोनाचे रुग्ण आढळले.
आजपर्यंत शहरातील रुग्णांलयांमधून एकूण 3 हजार 59 रुग्णांना डिस्चार्ज देण्यात आला आहे. पुण्यातील ऍक्टिव्ह रूग्णसंख्या 2 हजार 190 आहे. कोरोनाच्या 1 हजार 360 चाचण्या करण्यात आल्या.
कोरोनामुळे मोठ्या प्रमाणात मृत्यू होत असले तरी या आजारातून बरे होणाऱ्यांची संख्याही मोठी आहे. आतापर्यंत या रोगामुळे पुणे शहरात 284 नागरिकांचा मृत्यू झाला आहे.
