Pune : सिरम इन्स्टिट्यूटला राष्ट्रवादीचे अध्यक्ष शरद पवार यांची भेट
एमपीसी न्यूज – पुण्यातील मांजरी येथील सिरम इन्स्टिट्यूटला राष्ट्रवादी काँग्रेस पार्टीचे अध्यक्ष शरद पवार यांनी शनिवारी (दि.1) रोजी भेट दिली. कोरोना विषाणूच्या पार्श्वभूमीवर लस तयार करण्यासाठी सिरम इन्स्टिट्यूट प्रयत्नशील आहे.
सीरम इन्स्टिट्यूटकडून विकसित केल्या जात असलेल्या करोनावरील लशीची राष्ट्रवादी काँग्रेसचे अध्यक्ष शरद पवार यांनी माहिती घेत आढावा घेतला. त्यावेळी सीरम इन्स्टिट्यूटचे संस्थापक डॉ. सायरस पूनावाला यांच्याशी या लशीसंदर्भात सविस्तर चर्चा केली तसेच, मांजरी येथील लशीच्या मुख्य प्रकल्पास भेट देऊन त्याची पाहणी केली.
जगातील 189 देशांमध्ये सिरम इन्स्टिट्यूट मधून लशींचा पुरवठा केला जातो. यात पोलिओ, फ्ल्यू, रूबेला अशा आजारांवरील लशींचा समावेश आहे. वर्षाला दीड अब्ज लशींचे डोस येथे तयार केले जाऊ शकतात.
आज पुण्यातील मांजरी येथील सिरम इन्स्टिट्यूटला भेट दिली. #COVID19 विषाणूला रोखण्यासाठी लस तयार करण्याचे अथक प्रयत्न @SerumInstIndia करीत आहे. जगातील मोठ्या लस उत्पादकांमध्ये कंपनीचा लौकिक आहे. वर्षाला दीड अब्ज लशींचे डोस इथे तयार केले जाऊ शकतात. #CovidVaccine @adarpoonawalla pic.twitter.com/jHIXY7PUN8
— Sharad Pawar (@PawarSpeaks) August 1, 2020