Pune News : केंद्र शासनाच्या सर्वेक्षणात सहभागी होत शहराविषयी अभिप्राय नोंदविण्याचे आवाहन

एमपीसी न्यूज – केंद्रीय गृहनिर्माण आणि शहरी व्यवहार मंत्रालयाने (Pune News) देशातील 264 शहरात राहणाऱ्या नागरिकांसाठी शहराबद्दल आपला अभिप्राय नोंदवण्यासाठी सर्वेक्षण हाती घेतले आहे. ‘इज ऑफ लिव्हिंग इंडेक्स-2022’ अंतर्गत हे नागरिक जाणीव सर्वेक्षण (सिटीझन पर्सेप्शन सर्व्हे- सीपीएस) 23 डिसेंबर 2022 पर्यंत सुरू राहणार असून पुणे शहरातील नागरिकांनी ऑनलाईनरित्या या सर्वेक्षणात सहभागी होण्याचे आवाहन करण्यात आले आहे.

केंद्रीय गृहनिर्माण आणि शहरी व्यवहार मंत्री यांनी 9 नोव्हेंबर 2022 रोजी शहरी परिणाम फ्रेमवर्क 2022 (अर्बन आऊटकम फ्रेमवर्क-युओएफ 2022) चा शुभारंभ केला. गृहनिर्माण आणि शहरी व्यवहार मंत्रालयाने 2018 मध्ये 111 शहरांचा समावेश असणारा पहिला ‘राहणीमान सुलभता निर्देशांक’ जारी केला. त्यानंतर पाठोपाठ 2019 मध्ये राहणीमान सुलभता निर्देशांक 2.0आणि महानगरपालिका कामगिरीचा निर्देशांक जाहीर झाले. शहरांना परिणामावर आधारित नियोजन आणि शहरी व्यवस्थापनाकडे वाटचाल करण्यास मदत करणारा उपक्रम म्हणून याकडे पाहिले जाते.

Pimpri : जाब विचारला म्हणून व्यापाऱ्यास मारहाण करणाऱ्या तिघांना अटक

शहरी परिणाम फ्रेमवर्क 2022 चा उद्देश हा विकासाशी संबंधित महत्त्वाच्या (Pune News) मुद्द्यांवर माहिती उपलब्ध करून देऊन शाश्वत विकास आणि सामाजिक-आर्थिक प्रगती साध्य करण्याची प्रक्रिया सुलभ करणे हा आहे. जनसांख्यिकी, आर्थिक, शिक्षण, ऊर्जा, वित्त, पर्यावरण, प्रशासन आणि माहिती व संप्रेषण तंत्रज्ञान, आरोग्य, गृहनिर्माण, गतिशीलता, नियोजन, सुरक्षितता आणि सुरक्षा, घनकचरा व्यवस्थापन, पाणी व सार्वजनिक स्वच्छता यांसारख्या क्षेत्रांमध्ये संपूर्ण शहरातील परिणामांवर आधारित पारदर्शक व सर्वसमावेशक माहितीसंग्रह विकसित करण्याचा हा उपक्रम आहे.

या फ्रेमवर्कमध्ये विविध क्षेत्रांमधील एकूण 450 पेक्षा अधिक निर्देशांकांचा समावेश असून 14 क्षेत्रांमधील माहिती सुव्यवस्थित केली जाईल. माहिती संकलनावर अधिकाधिक लक्ष केंद्रित केले जाईल जेणेकरुन विस्कळीत माहितीचे विश्लेषण केले जाऊ शकते. तसेच संकलित माहितीसंग्रह विषय तज्ज्ञांद्वारे मानांकनासाठी वापरला जाऊ शकेल. सिटीझन पर्सेप्शन सर्व्हे अंतर्गत https://eol2022.org/CitizenFeedback या लिंकवर अधिकाधिक नागरिकांनी आपला शहराबद्दलचा अभिप्राय नोंदवावा तसेच क्यूआर कोडचाही उपयोग करावा, असे आवाहन पुणे स्मार्ट सिटी डेव्हलपमेंट कॉर्पोरेशनचे मुख्य कार्यकारी अधिकारी संजय कोलते यांनी केले आहे.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.