Pune News : उपमुख्यमंत्री अजित पवार यांच्या उपस्थितीत व्हेंटीलेटर व ऑक्सिजन पुरवठा साहित्याचे लोकार्पण

एमपीसी न्यूज – उपमुख्यमंत्री तथा पुणे जिल्ह्याचे पालकमंत्री अजित पवार यांच्या उपस्थितीत आज नगरसेवक हाजी गफुर पठाण यांच्या स्वनिधीतून व्हेंटीलेटर व ऑक्सिजन पुरवठा साहित्याचे लोकार्पण करण्यात आले. पुणे महानगरपालिका व नॅशनल हॉस्पिटलच्या सेवेत या सुविधा दाखल होणार आहेत.

_MPC_DIR_MPU_II

विधानभवन प्रांगणात आज उपमुख्यमंत्री अजित पवार यांच्या उपस्थितीत झालेल्या या कार्यक्रमाला खासदार डॉ.अमोल कोल्हे, आमदार चेतन तुपे, महानगरपालिका आयुक्त विक्रम कुमार यांच्यासह संबंधित विभागांचे वरिष्ठ अधिकारी व पदाधिकारी उपस्थित होते.

‘कोविड व्यवस्थापना’बाबत आज उपमुख्यमंत्री अजित पवार यांच्या अध्यक्षतेखाली पुण्यातील विधानभवन सभागृहात संबंधित वरिष्ठ अधिकाऱ्यांसोबत बैठक घेण्यात आली. जिल्ह्यात ‘कोविड-19’ आजारातून बरे होणाऱ्या नागरिकांचे प्रमाण वाढत आहे, नागरिकांना उपचार व समुपदेशनासाठी पुण्यातील दोन्ही जम्बो रुग्णालये, ससून रुग्णालय, बाणेर कोविड रुग्णालय व नायडू रुग्णालय अशा पाच रुग्णालयांत ‘पोस्ट कोविड ओपीडी’ सुरु करण्यात येणार असल्याची माहिती उपमुख्यमंत्री तथा जिल्ह्याचे पालकमंत्री अजित पवार यांनी दिली.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.