Pune News : पुण्यात कामावरून काढून टाकल्याचा रागातून मालकिणीला पेट्रोल टाकून पेटवले, दोघांचा मृत्यू

या प्रकरणी अधिक माहिती अशी की, वडगाव शेरी परिसरात बाला जॉनी यांचे टेलरिंगचे दुकान आहे. मागील दोन वर्षापासून मिलिंद हा त्या ठिकाणी काम करत होता. काही दिवसांपूर्वीच बाला यांनी मिलिंद त्याला कामावरून काढून टाकले होते. त्याचा राग मिलिंद याच्या डोक्यात होता. त्याच रागातून त्याने सोमवारी रात्रीच्या सुमारास बाला हिच्या अंगावर पेट्रोल ओतून पेटवून दिले. या घटनेत मिलिंद आणि बाला दोघेही जखमी झाले होते. स्थानिक नागरिकांनी दोघांनाही गंभीर जखमी अवस्थेत ससून रुग्णालयात दाखल केले होते.

दरम्यान गंभीर जखमी असलेल्या मिलिंद याचा पहाटे पाच वाजता तर बाला हिचा सकाळी 11 वाजेच्या सुमारास दुर्देवी मृत्यू झाला.

मयत बाला की मूळची ओरिसा येथील रहिवासी आहे. काही वर्षांपूर्वी तिचा घटस्फोट झाला आहे. दहा वर्षीय मुलासोबत ती या ठिकाणी राहत होती. वडगाव शेरी परिसरात मागील दहा वर्षांपासून ती टेलरिंगचा व्यवसाय करत होती. तर मिलिंद हा मुळचा परभणीचा असून दोन वर्षापासून तो बाला हिच्या दुकानात काम करत होता. चंदननगर पोलिस ठाण्यात याप्रकरणी मयत आरोपी मिलिंद नाथसागर याच्याविरुद्ध गुन्हा दाखल करण्यात आला आहे.