Pune News: पुणे-लोणावळा लोकल सुरू करण्यासाठी राज्य शासनाकडून ग्रीन सिग्नल

राज्य शासनाने अनलॉक 5 ची नियमावली नुकतीच जाहीर केली आहे. मिशन बिगेन अंतर्गत अनलॉक 5 हा 31 ऑक्टोबर पर्यंत असणार आहे. दरम्यान या कालावधीत काही बाबी सुरू करण्यास परवानगी देण्यात आली आहे.

पुणे रेल्वे विभागातील लोकलसेवा सुरू करण्यास राज्य शासनाने परवानगी दिली आहे. यामुळे पुणे लोणावळा या लोहमार्गालगत राहणाऱ्या लोकांसाठी ही दिलासादायक बाब आहे. राज्य शासनाने लोकल सुरू करण्यासाठी ग्रीन सिग्नल दिला आहे. मात्र लोकल सेवा कधीपासून सुरू होणार याबाबत रेल्वे विभागाकडून अद्याप सांगण्यात आले नाही.

राज्य शासनाने अनलॉक 5 ची नियमावली आणि आदेश जाहीर केले आहेत. हा अनलॉक 5 हा 1 ते 31 ऑक्टोबर पर्यंत राहणार आहे. यामध्ये राज्यातील लांब पल्ल्याच्या रेल्वे देखील सुरू करण्यास शासनाने परवानगी दिली आहे.

पुण्यातील लोकलसेवा सुरू करतानाच कोरोनाच्या अनुषंगाने काळजी, खबरदारी घेण्याचे देखील आदेश देण्यात आले आहेत. पुणे पोलीस आयुक्त नोडल ऑफिसर म्हणून काम पाहणार असल्याचेही आदेशात म्हटले आहे.