Nano Herble Kavach : सार्वजनिक ठिकाणच्या स्वच्छतेसाठी ‘नॅनो हर्बल कवच’
विद्यापीठाचे रिसर्च पार्क फाऊंडेशन आणि कृष्णा वैद्यकीय विज्ञान अभिमत विद्यापीठाची निर्मिती
एमपीसी न्यूज – सार्वजनिक ठिकाणी रोगांच्या प्रदूर्भावापासून सामान्य लोकांचे रक्षण करण्यासाठी सावित्रीबाई फुले पुणे विद्यापीठाच्या एसपीपीयू रिसर्च पार्क फाऊंडेशनच्या डिझाईन इनोव्हेशन सेंटर आणि कराड येथील कृष्णा इन्स्टिट्यूट ऑफ मेडिकल सायन्सेस डिम्ड टू बी युनिव्हर्सिटी (कृष्णा वैद्यकीय विज्ञान अभिमत विद्यापीठ) यांच्या संयुक्त विद्यमाने नॅनो हर्बल कवच’ (Nano Herble Kavach) हे उत्पादन तयार करण्यात आले आहे.
सावित्रीबाई फुले पुणे विद्यापीठाचे कुलगुरू डॉ. नितीन करमळकर यांच्या हस्ते या नॅनो हर्बल कवच’ चे उद्घाटन करण्यात आले. यावेळी सावित्रीबाई फुले पुणे विद्यापीठाचे कुलगुरू डॉ. नितीन करमळकर, प्र-कुलगुरू डॉ.एन.एस.उमराणी, कुलसचिव डॉ. प्रफुल्ल पवार, एसपीपीयू रिसर्च पार्क फाउंडेशनचे मुख्य कार्यकारी अधिकारी डॉ. अरविंद शाळीग्राम, कृष्णा वैद्यकीय विद्यापीठाचे अतिरिक्त संशोधन संचालक डॉ. दिनेश अगरवाल आदी यावेळी उपस्थित होते.
