Pune News : मोक्का लावा,पॉवरफुल वकील नेमा पण कोयता गॅंगची दहशत संपवाच – चंद्रकांत पाटलांच्या पुणे पोलिसांना सूचना
एमपीसी न्यूज -मागील काही दिवसांपासून पुण्यात कोयता गॅंगची दहशत सुरू असल्याचे प्रकार निदर्शनास येत आहे. हातात कोयते घेऊन सराईत गुन्हेगार खुलेआम फिरताना दिसत आहेत. पुण्यात दहशत पसरवणाऱ्या या कोयता गॅंगची दखल उपमुख्यमंत्री देवेंद्र फडणवीस आणि पोलीस महासंचालक रजनीश शेठी यांनी देखील घेतली होती. त्यानंतर आता पुणे जिल्ह्याचे पालकमंत्री चंद्रकांत पाटील यांनी देखील पुणे पोलिसांना कोयता गॅंगवर कडक कारवाई करण्याच्या सूचना दिल्या (Pune News ) आहेत. पोलिसांनी पावरफुल वकील नेमावे, 50 ते 60 मोक्का लावावेत आणि कोयता यांची दहशत कमी करावी असे ते म्हणाले.