Pune News : मुंबईचा प्रवास आणखी सुकर, पुण्यातून सुरू होणार हेलीकॉप्टर सेवा
एमपीसी न्यूज – पुणे ते मुंबईपर्यंतचा प्रवास आता हेलीकॉप्टरने करता येणार आहे. हेलीकॉप्टर सेवा पुरविणाऱ्या ‘ब्लेड’ या कंपनीने रिअल इस्टेट डेव्हलपर ‘पंचशील’ या कंपनी सोबत हातमिळवणी केली आहे.
खराडीतील ‘यो विला’ या ठिकाणाहून हि सेवा दिली जाणार असून, मुंबईचा प्रवास आणखी सुकर होणार आहे. खराडीतील कर्मचारी व ‘यो विला’ रहिवासी यांच्यासाठी ही सेवा उपलब्ध असेल. या सेवेमुळे पुणे – मुंबई प्रवासाचा वेळ कमी होणार असून अवघ्या 35 मिनटात मुंबईत पोहचता येणार आहे. सतत पुणे – मुंबई प्रवास करणा-यांसाठी हि सेवा उपयुक्त ठरणार आहे.
हंच व्हेंचर्स आणि ब्लेड इंडियाचे संस्थापक करणपाल सिंह म्हणाले की, प्रवासाची वेळ कमी करण्याच्या उद्देशाने ही सेवा सुरू करण्यात आली आहे. यामुळे पुणे – मुंबई दरम्यान वारंवार प्रवास करणाऱ्या प्रवाशांसाठी हि सेवा उपयुक्त ठरेल.