Pune : वारजे येथे डिझेल, पेट्रोल वाहून नेणारा टँकर उलटला ; सुदैवाने मोठा धोका टळला (व्हिडिओ)

एमपीसी न्यूज- वारजे माळवाडी येथे पेट्रोल आणि डिझेलची वाहतूक करणारा टँकर उलटला. हा अपघात आज सकाळी अकराच्या सुमारास कात्रज देहूरोड बाह्यवळण मार्गावरील सेवा रस्त्यावर वारजे माळवाडी येथे घडला. या अपघातामुळे टँकरमधील तब्बल पाच हजार लिटर पेट्रोल आणि डिझेल रस्त्यावर सांडले. अशी माहिती अग्निशमन विभागाकडून देण्यात आली. सुदैवाने वेळीच मदतकार्य सुरु केल्यामुळे मोठी दुर्घटना टळली.

सुरुवातीला मिळालेल्या माहितीनुसार टँकरमध्ये रॉकेल असल्याची शक्यता वर्तवण्यात आली होती. मात्र नंतर हा टँकर डिझेल आणि पेट्रोलची वाहतूक करणारा होता हे स्पष्ट झाले.

आज, बुधवारी सकाळी साडेनऊ वाजण्याच्या सुमारास मुंबईकडून कात्रजच्या दिशेने जात असताना हा टँकर उलटला. टँकर उलटताच डिझेल आणि पेट्रोलचे पाट रस्त्यावर वाहू लागले. अग्निशमन विभागाच्या जवानांनी घटनास्थळी धाव घेत पेट्रोल, डिझेल ज्या भागात पडले होते. तिथे वाळू टाकून पुढे जाण्याचा प्रवाह कमी केला. मात्र पर्यंत टँकरमधील अंदाजे पाच हजार लिटर डिझेल आणि पेट्रोल वाहून गेले. त्याचप्रमाणे उलटलेल्या टँकरवर पाण्याचा मारा करून पेट्रोल डिझेलची तीव्रता कमी करण्यात आली.

या अपघातात टँकर चालक जखमी झाला असून त्याच्यावर उपचार सुरु आहेत. चालकाचे गाडीवरील नियंत्रण सुटल्याने हा अपघात घडल्याचा प्राथमिक अंदाज वर्तवला जात आहे. अपघातानंतर खबरदारीचा उपाय म्हणून वाहतूक बंद ठेवण्यात आली होती. टँकरमधून पेट्रोल आणि डिझेल कात्रज येथील पंपावर नेले जात होते.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
HB_POST_END_FTR-A2
You might also like