Pune : विश्रामबाग पोलीस स्टेशन हद्दीमध्ये जुगार अड्ड्यावर छापा; 62 हजार 480 रुपयांचा माल जप्त
एमपीसी न्यूज – विश्रामबाग पोलीस स्टेशन हद्दीमध्ये ज्ञानप्रभोधिनीजवळ गिरीधर पारिजात सोसायटी बिल्डिंगच्या पार्किंगमध्ये सुरु असलेल्या जुगार अड्ड्यावर पोलिसांनी छापा मारला. सामाजिक सुरक्षा विभागाचे स्टाफ आणि पोलीस उपनिरिक्षक श्रीधर खडके यांनी शुक्रवारी (दि. 13) केली.
यावेळी पोलिसांनी जुगार खेळणारे आणि खेळविणारे अशा 26 लोकांना ताब्यात घेतले असून त्यांच्याकडून रोख रक्कम 61 हजार 580 आणि जुगाराचे साहित्य 900 असा एकूण 62 हजार 480 रुपयांचा माल जप्त केला आहे. तसेच त्यांच्यावर गुन्हा दाखल केला आहे. पोलिसांनी गोपनीय खबऱ्यामार्फत मिळालेल्या माहितीच्या आधारे हा छापा टाकला असल्याचे सूत्रांनी सांगितले आहे.