Pune – स्कूलबस पलटी ; जिवीत हानी नाही
एमपीसी न्यूज – ब्रेकफेल झाल्याने पलटी झालेल्या स्कूलबसच्या अपघातात सुदैवाने कोणतीही जिवीत हानी झाली नाही. परंतु या घटनेने सर्वत्र एकच खळबळ उडाली आहे.
ही घटना आज बुधवारी (दि.9) दूपारी पावणे एकच्या सुमारास कात्रज देहुरोड बाह्यवळण महामार्गालगत असलेल्या सर्व्हिस रोडवर घडली.
पोलिसांनी दिलेल्या माहितीनुसार, आज दूपारी आंबेगाव बुद्रुक परिसरात असणा-या पोतदार इंटरनॅशनल स्कूलची बस तिसरी आणि चौथीतील 15 विद्यार्थ्यांना घेऊन कात्रजहून न-हेच्या दिशेने निघाली होती. दरम्यान पोतदार शाळेसमोरील सर्व्हिस रस्त्यावर बस वळल्यानंतर बसचा ब्रेक फेल झाल्याने बस पलटी झाली. या अपघातात 3 ते 4 विद्यार्थ्यांना किरकोळ दुखापत झाली असून सुदैवाने यामध्ये कोणतीही जिवीत हानी झाली नाही . या अपघातामुळे परिसरात एकच खळबळ उडाली. पुढील तपास भारती विद्यापीठ पोलीस करत आहेत.
