Pune: पुणे विभागात 10,041 स्थलांतरित मजुरांना निवारा तर 61,179 मजुरांच्या भोजनाची सोय
Pune: Shelter for 10,041 migrant laborers and meals for 61,179 laborers in Pune division
एमपीसी न्यूज – सध्याच्या लॉकडाऊन परिस्थितीत स्थलांतर केलेल्या मजुरांसाठी जिल्हा प्रशासनामार्फत 93 कॅम्प, कामगार विभागामार्फत 56 कॅम्प तर साखर कारखान्यांमार्फत 11 कॅम्प असे पुणे विभागात एकूण 160 रिलीफ कॅम्प उभारण्यात आले आहेत.
या कॅम्पमध्ये 10 हजार 41 स्थलांतरित मजूर असून 61 हजार 179 मजुरांना भोजन देण्यात येत आहे, अशी माहिती विभागीय आयुक्त डॉ. दीपक म्हैसेकर यांनी दिली.
दरम्यान, लॉकडाऊनमुळे अडकलेल्या मध्यप्रदेश, उत्तरप्रदेश, उत्तराखंड, तामिळनाडू, राजस्थान व बिहार राज्यामधील 45 हजार 302 मजूरांना घेऊन पुणे विभागातून 36 विशेष रेल्वेगाड्या रवाना झाल्याची माहिती विभागीय आयुक्त डॉ. दीपक म्हैसेकर यांनी दिली आहे.
