Pune : मराठा सेवा संघ प्रणित उद्योग कक्षाच्या राष्ट्रीय अध्यक्षपदी प्रकाश जाधव
Prakash Jadhav as the National President of Maratha Seva Sangh Pranit Udyog Kaksha
एमपीसी न्यूज – मराठा सेवा संघ प्रणित उद्योग कक्षाच्या राष्ट्रीय अध्यक्षपदी प्रकाश जाधव यांची नियुक्ती करण्यात आली आहे. मराठा सेवा संघाचे राष्ट्रीय अध्यक्ष कामाजी पवार यांनी ही नेमणूक जाहीर केली.
मराठा सेवा संघाच्या नुकत्याच झालेल्या बैठकीत विविध कक्षांच्या पदाधिकाऱ्यांच्या निवडी जाहीर करण्यात आल्या. प्रकाश जाधव हे गेली 26 वर्षांपासून मराठा सेवा संघाचे कार्य करतात.
आजवर त्यांनी मराठा सेवा संघाचे पिंपरी-चिंचवड शहराध्यक्ष, पुणे जिल्हाध्यक्ष तसेच केरळ राज्याचे प्रभारी म्हणून कार्य केले आहे.
तसेच प्रकाश जाधव हे धर्मवीर संभाजी अर्बन को-ऑप. बँकेचे माजी उपाध्यक्ष, पुणे जिल्हा बँक असोसिएशनचे माजी संचालक व पुणे जिल्हा ग्रंथालय संघाचे माजी संचालक आहेत. सध्या मोरेश्वर नागरी सहकारी पतसंस्थेचे ते उपाध्यक्ष म्हणून काम पहात आहेत.
मराठा सेवा संघाच्या उद्योग कक्षाच्या राष्ट्रीय अध्यक्षपदी प्रकाश जाधव यांच्या झालेल्या नियुक्तीबद्दल सामाजिक, सहकार क्षेत्रासह सर्व स्तरातून अभिनंदन करण्यात येत आहे.
उद्योग व्यवसायानिमित्त देशभर कार्यरत असलेल्या मराठा बांधवांचे संघटन करणे, मराठा सेवा संघाच्या विचारांचा देशभर प्रचार-प्रसार करणे, मराठा बांधवांना उद्योग व्यवसायाचे अद्ययावत प्रशिक्षण देणे, उद्योग व्यवसायात येणाऱ्या विविध अडचणी सोडविण्यास मदत करणे आदी विविध कार्य मराठा सेवा संघाच्या उद्योग कक्षाच्या माध्यमातून करण्यात येत आहे.