Rahul Gandhi News : राहुल गांधींचे ‘हे’ ट्विट होत आहे व्हायरल
एमपीसी न्यूज: राहुल गांधींनी आज केलेले एक ट्विट समाजमाध्यमांवर चांगलेच व्हायरल होताना दिसत आहे. ‘जास्तीत जास्त हुकूमशाहांची नावे M पासूनच का सुरू होतात ? मार्कोस, मुसोलिनी, मुबारक, मुशरफ अशा हुकूमशाहांची नावे त्यांनी या ट्विटमध्ये दिली आहेत.
हरियाणाचे गृहमंत्री अनिल विज यांनी यावर प्रतिक्रिया दिली आहे. ते म्हणाले, अहिंसेचे पुजारी असलेले मोहनदास करमचंद गांधी जगात प्रसिद्ध आहेत. त्यांचे नावदेखील M पासून सुरू होत आहे. त्याबद्द्ल राहुल यांचे काय मत आहे?, असे मी त्यांना विचारले आहे.
याबरोबरच वेगवेगळे मीम्सदेखील समाजमाध्यमांवर व्हायरल होऊ लागले आहेत. राहुल गांधींचे ट्विट आणि बरोबर M पासून नाव असलेले माजी पंतप्रधान मनमोहन सिंग, मोतीलाल नेहरू, ममता बॅनर्जी, मुलायम सिंह यादव अशी नावे नेटीझन्स ट्विट् करताना दिसत आहेत.
इतकेच नव्हे तर काहींनी राहुल यांना चक्क सोशल मीडिया टीम बदलण्याचा सल्लादेखील दिला आहे.
Why do so many dictators have names that begin with M ?
Marcos
Mussolini
Milošević
Mubarak
Mobutu
Musharraf
Micombero— Rahul Gandhi (@RahulGandhi) February 3, 2021