India Corona Update : गेल्या 24 तासांत चाळीस हजारांहून कमी कोरोना रुग्णांची नोंद
एमपीसी न्यूज – देशात गेल्या 24 तासांत चाळीस हजारांहून कमी कोरोना बाधित रुग्णांची नोंद झाली आहे. मागील चोवीस तासांत देशभरात 39 हजार 796 नव्या कोरोना बाधित रुग्णांची नोंद झाली आहे. तर, 42 हजार 352 बरे झालेल्या रुग्णांना डिस्चार्ज देण्यात आला आहे. देशात सध्याच्या घडीला 4 लाख 82 हजार 071 सक्रिय रुग्णांवर उपचार सुरू आहेत.
आरोग्य मंत्रालयाच्या हवाल्याने एएनआयने प्रसिद्ध केलेल्या आकडेवारीनुसार, देशातील एकूण कोरोना बाधित रुग्णांची संख्या 3 कोटी 05 लाख 85 हजार 229 एवढी झाली आहे. त्यापैकी 2 कोटी 97 लाख 00 हजार 430 रुग्ण उपचारानंतर बरे झाले आहेत.
India reports 39,796 new #COVID19 cases, 42,352 recoveries, and 723 deaths in the last 24 hours, as per the Union Health Ministry.
Total cases: 3,05,85,229
Total recoveries: 2,97,00,430
Active cases: 4,82,071
Death toll: 4,02,728Total Vaccination: 35,28,92,046 pic.twitter.com/AKIFq1aiu4
— ANI (@ANI) July 5, 2021
भारतात कोरोना संसर्गामुळे मृत्यू झालेल्या रुग्णांची संख्या चार लाखांच्या पुढे गेली आहे. आजवर 4 लाख 02 हजार 728 रुग्णांचा कोरोनामुळे मृत्यू झाला आहे. गेल्या 24 तासांत देशभरात 723 रुग्णांचा मृत्यू झाला आहे. देशाचा कोरोना मृत्यूदर 1.31 टक्के एवढा आहे. तसेच, रुग्ण बरे होण्याचे प्रमाण अधिक असल्याने रिकव्हरी रेट वाढून 97.10 टक्क्यांवर पोहोचला आहे.
देशात आजवर 41 कोटी 97 लाख 77 हजार 457 चाचण्या पूर्ण झाल्या आहेत तर, गेल्या 24 तासांत 15 लाख 22 हजार 504 नमूने तपासण्यात आले आहेत. आयसीएमआरने याबाबत आकडेवारी प्रसिद्ध केली आहे.
41,97,77,457 samples tested for #COVID19 up to 4th July 2021. Of these, 15,22,504 samples were tested yesterday: Indian Council of Medical Research pic.twitter.com/Tvt3fOqJYt
— ANI (@ANI) July 5, 2021
देशात कोरोना लसीकरण कार्यक्रमाअंतर्गत आतापर्यंत देशात 35 कोटी 28 लाख 92 हजार 046 जणांना कोरोना प्रतिबंधक लस टोचण्यात आली आहे.
