Chinchwad : पिंपरी-चिंचवड पोलीस आयुक्तालयात 720 पोलीस शिपाई पदांची भरती
एमपीसी न्यूज – पिंपरी-चिंचवड पोलीस आयुक्तालयात पोलीस शिपाई पदावर 720 जागांची भरती करायची आहे. त्याबाबतची जाहिरात प्रसिद्ध करण्यात आली आहे. त्यानुसार संपूर्ण महाराष्ट्रात 3 हजार 450 जागांची भरती करण्यात येणार आहे. अर्ज करण्याची अंतिम मुदत 23 सप्टेंबर 2019 आहे.
पिंपरी-चिंचवड पोलीस आयुक्तालयाच्या विविध कक्षांसाठी पोलीस अधिकारी, कर्मचारी यांच्या एकूण 4 हजार 840 पदांची आवश्यकता आहे. त्यापैकी पुणे पोलीस आयुक्तालय आणि पोलीस अधीक्षक पुणे ग्रामीणकडून सुमारे 2 हजार 207 पदे पिंपरी-चिंचवड आयुक्तालयाकडे वर्ग करण्यात आली आहेत. उर्वरित 2 हजार 633 पदे नव्याने भरती करण्यात येणार आहेत. नव्याने भरती करावयाची पदे तीन टप्प्यात भरली जाणार आहेत. पहिल्या टप्प्यात 60 टक्के, त्यानंतर दोन वर्षांनी दुस-या टप्प्यात 20 टक्के आणि त्यानंतर दोन वर्षांनी तिस-या टप्प्यात 20 टक्के पदे भरली जाणार आहेत. त्यातील पहिल्या टप्प्यातील पदांची भरती लवकरच करण्यात येणार आहे.