IMDB Top 10 Stars : सई ताम्हणकर IMDB च्या टॉप 10 स्टारच्या यादीत

एमपीसी न्यूज – अभिनेत्री सई ताम्हणकर नेहमीच यशाची नवनवी शिखरं पादाक्रांत करताना दिसत आहे. सईच्या शिरपेचात अजून एक मानाचा तुरा रोवला गेला असून, तिला IMDBच्या 2021 च्या बेस्ट स्टारच्या यादीत मानाचं स्थान मिळालं आहे.

IMDB (Internet Movie Database) ने नुकतीच Top 10 Breakout stars of Indian films and webseries 2021 ची लिस्ट जाहीर केली. ह्या यादीमध्ये IMDB ने सईचा उल्लेख करून तिचा गौरव केला आहे. सईने यंदा समांतर, नवरसा आणि मीमी ह्या तीन वेगवेगळ्या भाषांच्या कलकृतींमधून वेगवेगळ्या धाटणीच्या भूमिकांव्दारे रसिकांच्या मनावर आपली अमीट छाप सोडली. IMDB ने ह्याची दखल घेत सईला ‘breakout star’ म्हटले आहे.

Congratulations to the Top 10 Breakout Stars of Indian Films and Web Series of 2021! 🎥✨ #IMDbBestofIndia2021 pic.twitter.com/jUswrbFVxP

— IMDb (@IMDb) December 2, 2021

ह्या सन्मानाविषयी अभिनेत्री सई ताम्हणकर म्हणते,” आयएमडीबी हा ग्लोबल प्लॅटफॉर्म आहे. कलाकृतीला भाषेचं बंधन न लावता, त्याकडे पाहण्याचा विस्तीर्ण दृष्टिकोण ग्लोबल सिनेमाचा आणि वेबसीरिजचा असतो. अशा ठिकाणी माझ्या कामाचा गौरव होणं ही माझ्यासाठी अभिमानाची बाब आहे. आयएमडीबी सारख्या प्रतिथयश प्लॅटफॉर्मने आपल्या कामाचा असा गौरव करावा ही आनंदाचीच गोष्ट आहे.”