Pimpri News : संभाजी ब्रिगेडचा अर्धनग्न महामोर्चा तात्पुरता स्थगित

जानेवारी 2020 मध्ये श्री. श्री. रवीशंकर यांच्याकडून यु-ट्युबवर प्रसारित केलेला व्हीडिओ, कॅलेंडर तसेच विविध लेखांच्या माध्यमातून छत्रपती शिवाजी महाराजांची खोटा इतिहास मांडून बदनामी केल्याचे पिंपरी-चिंचवडमधील संभाजी ब्रिगेडच्या कार्यकर्त्यांना आढळून आले. याप्रकरणी विविध निवेदने देऊन व  आंदोलने करूनसुद्धा पोलीस प्रशासनाने रवीशंकर व इतर दोषींवर गुन्हा दाखल केला नाही. यामुळे शिवप्रेमी व संतप्त संभाजी ब्रिगेडच्या कार्यकर्त्यांनी सतिश काळे यांच्या नेतृत्वाखाली अर्धनग्न महामोर्चाचे आयोजन केले होते.

पिंपरी चिंचवडचे पोलिस आयुक्त कृष्णप्रकाश यांनी सतिश काळे यांना लेखी निवेदन देऊन कारवाईचे आश्वासन दिले आहे. लवकरात लवकर कारवाई न केल्यास तीव्र आंदोलन करण्याचा इशारा संभाजी ब्रिगेडच्या वतीने देण्यात आला आहे.