Sangvi : एनईएफटीद्वारे एक लाख रुपये परस्पर ट्रान्सफर करून दुकानदाराची फसवणूक

एमपीसी न्यूज – एका दुकानदाराच्या बँक खात्यातून एनईएफटी द्वारे एक लाख रुपये परस्पर ट्रान्सफर करून दुकानदाराची आर्थिक फसवणूक केली. ही घटना 14 मार्च रोजी रात्री सात वाजता पिंपळे गुरव येथे घडली. याबाबत बुधवारी (दि. 18) गुन्हा दाखल करण्यात आला आहे.

रोहित महादेव झाकडे असे गुन्हा दाखल झालेल्या व्यक्तीचे नाव आहे. याप्रकरणी हरीश गौरवर्धनलाल जांगीड (वय 33, रा.  पिंपळे गुरव) यांनी सांगवी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी हरीश यांचे पिंपळे गुरवमध्ये ‘शिवम स्टेशनरी अँड गिफ्ट’ हे दुकान आहे. त्यांचे पंजाब नॅशनल बँकेत चालू खाते आहे. आरोपी रोहित याने फिर्यादी हरीश यांच्या बँक खात्यातून एनईएफटी द्वारे एक लाख रुपये परस्पर ट्रान्स्फर करून घेतले. बँक खात्यातून पैसे कमी झाल्याने हरीश यांनी त्यांच्या बँकेत चौकशी केली आणि त्यानंतर फसवणूक झाल्याचे लक्षात येताच त्यांनी पोलीस ठाण्यात धाव घेत गुन्हा नोंदवला. सांगवी पोलीस तपास करीत आहेत.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
You might also like