Sanjay Raut: बाळासाहेबांना त्रास दिला तेच आता त्यांच्या क्लिप दाखवतायत- राऊत
एमपीसी न्यूज – दिवंगत शिवसेनाप्रमुख बाळासाहेब ठाकरे यांच्या जुन्या भाषणाची एक क्लिप राज ठाकरे यांनी सोशल मीडियावर शेअर करून शिवसेनेला जुन्या भूमिकेची आठवण करून दिली होती.. त्यालाच आता शिवसेना नेते संजय राऊत (Sanjay Raut) यांनी जोरदार प्रत्युत्तर दिले आहे.
बाळासाहेबांना ज्यांनी जिवंतपणी त्रास दिला तेच आता त्यांच्या क्लिप फिरवत आहेत अशा शब्दात त्यांनी राज ठाकरे यांच्यावर निशाणा साधला. पुण्यात आयोजित जाहीर सभेत ते बोलत होते.
मनसे अध्यक्ष राज ठाकरे यांनी हिंदुत्वाचा मुद्दा वरून पुन्हा एकदा शिवसेनेला घेरण्याचा प्रयत्न केला आहे. मशिदीवरील भोंगे याच्या मुद्द्यावरून विकास आघाडी सरकार आणि मुख्यमंत्री उद्धव ठाकरे त्यांना कोंडीत पकडण्याचा प्रयत्न केलाय. त्याला उत्तर देण्याचा प्रयत्न संजय राऊत (Sanjay Raut) यांनी केला.
Nigdi News: देशाची फाळणी अपरिहार्य होती – डॉ. बालाजी चिरडे
Indian Army: सशस्त्र सेना दलात दाखल होऊन मातृभूमीचे रक्षक बनायचं आहे?
महाराष्ट्र में शांति है, महाराष्ट्र में कोई भी गैरक़ानूनी लाउडस्पीकर नहीं चल रहा है। आप माहौल खराब करने की कोशिश कर रहे हैं। पूरे देश में लाउडस्पीकर का क़ानून बना है, उसका महाराष्ट्र में पालन हो रहा है: लाउडस्पीकर को लेकर राज ठाकरे के बयान पर शिवसेना नेता संजय राउत pic.twitter.com/I91h1KwVwx
— ANI_HindiNews (@AHindinews) May 4, 2022
मनोहर जोशी यांच्या रूपाने बाळासाहेबांनी देखील ब्राह्मण मुख्यमंत्री दिला होता, असे देखील राऊत म्हणाले.
वादाची पार्श्वभूमी
मशिदींवरील भोंगे हटविण्याबाबत दिवंगत शिवसेनाप्रमुख बाळासाहेब ठाकरे यांनी केलेल्या भाषणाची क्लिप मनसे अध्यक्ष राज ठाकरे यांनी शेअर केली असून त्या माध्यमातून शिवसेनेला उघडे पाडण्याचा प्रयत्न केला. त्याची राज्याच्या राजकारणात जोरदार चर्चा सुरू आहे. राज ठाकरे यांनी केलेल्या हल्ल्यांमुळे शिवसेना नेत्यांना आता मोठ्या प्रमाणात सारवासारव करावी लागत आहे. त्यात त्यांना कितपत यश येते, याकडे सर्वांचे लक्ष लागले आहे.
