Shirur: छत्रपती उदयनराजे यांच्याविरोधात निवडणूक लढविण्यास सांगितल्यानेच शिवसेना सोडली -डॉ. अमोल कोल्हे 

राजगुरुनगर खेड येथे माजी उपमुख्यमंत्री अजित पवार यांच्या उपस्थितीत डॉ. अमोल कोल्हे यांच्या प्रचाराची आज (शनिवारी)सांगता झाली. या सांगता सभेत डॉ. कोल्हे यांनी शिवसेना सोडल्याचा खुलासा केला. सातत्याने विचारुन देखील डॉ. कोल्हे यांनी शिवसेना सोडण्याचे कारण सांगितले नव्हते. आज मात्र त्यांनी कारण सांगितले आहे. दोन दिवसांपूर्वी उदयनराजे महाराज हे डॉ. कोल्हे यांच्या प्रचारासाठी येणार होते. परंतु, साता-याचे शिवसेना उमेदवार नरेंद्र पाटील यांच्या मातोश्रींचे निधन झाले होते. त्यामुळे उदयनराजे यांना सभेला येता आले नाही.

“साता-यातून छत्रपती उदयनराजे महाराज भोसले यांच्याविरोधात निवडणूक लढणार का?, हा प्रश्न मला शिवसेनेकडून विचारला होता. त्याचक्षणी मी उत्तर दिले. छत्रपतींच्या गादीशी बेईमानी होणार नाही” उदयनराजे महाराज यांच्याविरोधात निवडणूक लढविण्यास सांगितल्यानेच शिवसेना सोडल्याचे डॉ. कोल्हे यांनी स्पष्ट केले.