Maharashtra News: जास्त अंगावर आला तर हात धुवून मागे लागेल – मुख्यमंत्री उद्धव ठाकरे

एमपीसी न्यूज: महाविकास आघाडी सरकारला एक वर्ष पूर्ण झाले त्यानिमित्ताने सामनाचे कार्यकारी संपादक संजय राऊत यांनी मुख्यमंत्री उद्धव ठाकरे यांची मुलाखत घेतली आहे. ही मुलाखत उद्या प्रसिद्ध होणार आहे. या मुलाखतीचा प्रोमो प्रसिद्ध करण्यात आला असून संजय राऊत उद्धव ठाकरे यांना अनेक प्रश्न विचारताना दिसत आहेत. महाराष्ट्राचे मुख्यमंत्री हात धुवा यापलीकडे काय सांगणार असा प्रश्न विचारल्यावर उत्तर देताना उद्धव ठाकरे यांनी, ठिकाय, हात धुतोय, जास्त अंगावर आले तर हात धुवून मागे लागेल असा इशारा त्यांनी या प्रोमोमधून दिलाय. 

या प्रोमोमध्ये संजय राऊत मुख्यमंत्र्यांना हे सरकार आपल्या ओझ्यानं कोसळेल असे भाकीत अनेक ज्योतिषांनी वर्तवले आहे असा प्रश्न विचारतात. यावर उत्तर देताना मुख्यमंत्री उद्धव ठाकरे यांनी ठाकरी शैली वापरत सरकार पडेल असं म्हणणारांचे दात पडत आलेत असे उत्तर दिले. तुम्हाला सुड काढायचा असेल तर तुम्ही एक सुड काढा आम्ही दहा सूड काढतो असा सज्जड दमही मुख्यमंत्र्यांनी विरोधकांना दिलाय.

या प्रोमोमध्ये मध्ये संजय राऊत यांनी मुख्यमंत्र्यांना पूर्णपणे आणि उघडपणे महाराष्ट्रात हे अघोरी प्रयोग सुरू झाले आहेत असा प्रश्न विचारला. त्यावर उत्तर देताना उद्धव ठाकरे म्हणतात, आमच्या अंगावर येणाऱ्यांना ज्यांना ज्यांना मूलबाळ आहेत त्यांना मी सांगु इच्छितो की मुलबाळ तुम्हालाही आहेत. तुम्ही धुतल्या तांदळाचे नाही. तुमची खिचडी कशी शिजवायची ते आम्ही शिजवू शकतो. असा इशारा मुख्यमंत्र्यांनी या प्रोमोमधून दिला आहे

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.