SSC Paper Leak : धक्कादायक : पुण्यात महिला सुरक्षारक्षकाच्या फोनमध्ये सापडला दहावीचा गणिताचा पेपर
महिला सुरक्षारक्षकावर गुन्हा दाखल
एमपीसी न्यूज : दहावीच्या परीक्षेबाबत पुण्यातून मोठी माहिती समोर येत आहे. (SSC Paper Leak) दहावीचा गणित भाग एकचा पेपर हा एका महिला सुरक्षारक्षकाच्या मोबाईलमध्ये आढळल्याने खळबळ उडाली आहे. हा पेपर फुटल्याचा संशय व्यक्त करण्यात येत आहे. या महिला सुरक्षारक्षकावर गुन्हा दाखल करण्यात आला आहे.
निषा कांबळे असे या सुरक्षारक्षकाचे नाव आहे.बिबवेवाडी येथील यशवंतराव चव्हाण माध्यमिक विद्यालयात हा प्रकार घडला. याप्रकरणी या महिला सुरक्षा रक्षकावर गुन्हा दाखल करण्यात आला आहे.
13 मार्चला गणित भाग 1 हा पेपर होता. (SSC Paper Leak) यावेळी सुरक्षा रक्षक मनिषा कांबळेने परीक्षा हॉलमध्ये जाऊन पेपरचे फोटो काढल्याचा संशय व्यक्त करण्यात येत आहे.
15 मार्चला (काल) बोर्डाचं पथक तपासणीसाठी विद्यालयात गेलं असता आरोपी महिलेवर पथकाला संशय आला. यानंतर तिच्या मोबाईलची तपासणी करण्यात आली, ज्यामधून गणित भाग एक प्रश्नपत्रिकेचे फोटो तिनं काढल्याचा धक्कादायक प्रकार समोर आला.
यावेळी पथकाने तातडीने संबधित महिलेकडे चौकशी केली मात्र उडवाउडवीची उत्तर देण्यात आली. पथकाकडून बिबवेवाडी पोलीस ठाण्यात तक्रार दाखल करण्यात आली आहे. (SSC Paper Leak) यानंतर पोलिसांनी या प्रकरणी गुन्हा दाखल केला आहे. किसन भुजबळ यांनी ही तक्रार दिली आहे.
