Hinjawadi : भूमकर चौकात अवजड वाहनांना प्रवेश बंद

एमपीसी न्यूज – भूमकर चौकातील वाहतूक सुरळीत करण्यासाठी वाहतुकीत बदल करत अवजड वाहनांना ठराविक वेळेत प्रवेश बंद करण्यात आला आहे. यामध्ये सकाळी सात ते दुपारी एक आणि सायंकाळी चार ते रात्री नऊ या वेळेत ही बंदी घालण्यात आली आहे. यामध्ये अत्यावश्यक सेवा देणारी वाहने वगळण्यात आली आहेत. हा बदल आज (मंगळवार, दि. 18) पासून प्रायोगिक तत्वावर सुरु करण्यात आला असून बुधवार (दि. 26) पर्यंत नागरिकांना सूचना आणि हरकती देण्याचे आवाहन करण्यात आले आहे.

नागरिकांच्या सूचना आणि हरकती यांचा विचार करून अंतिम आदेश काढण्यात येणार आहेत. नागरिकांनी आपल्या सूचना आणि हरकती बुधवार (दि. 26) पर्यंत पिंपरी चिंचवड पोलीस आयुक्तालय, ऑटो क्लस्टर, पिंपरी येथे लेखी स्वरूपात पाठविण्याचे आवाहन पोलिसांकडून करण्यात आले आहे.

असा असेल भूमकर चौकात अवजड वाहनांना प्रवेश बंद

# डांगे चौकातून भूमकर चौकाकडे जाण्यास सर्व प्रकारच्या अवजड वाहनांना प्रवेश बंद

# मुंबई-बेंगलोर महामार्गावरून जिंजर हॉटेल येथून डावीकडे वळून भूमकर चौकाकडे जाणास सर्व प्रकारच्या अवजड वाहनांना प्रवेश बंद

# मुंबई-बेंगलोर महामार्गावरून मायकार शोरूम येथून डावीकडे वळून भूमकर चौकाकडे जाण्यास सर्व प्रकारच्या अवजड वाहनांना प्रवेश बंद

# वाकड ब्रिज येथून इंडियन ऑइल चौकाकडे जाण्यास सर्व प्रकारच्या अवजड वाहनांना प्रवेश बंद

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.