Pune : स्वारगेट – कात्रज मेट्रो मार्गावर 2027 पर्यंत 95 हजार प्रवासी
एमपीसी न्यूज – स्वारगेट ते कात्रज या मेट्रो मार्गावर 2027 पर्यंत 95 हजार प्रवासी मेट्रोतून प्रवास करतील. या संदर्भातील सर्वेक्षण महामेट्रोने केले आहे.
2057 पर्यंत ही प्रवासी संख्या दुप्पट म्हणजेच 1 लाख 97 हजार होणार आहे. साडेपाच किलोमीटर हा मेट्रो मार्ग भूयारीच असेल. वरून (यलोव्हेटेड) मेट्रो जाणे शक्य नाही. या मार्गावर केवळ तीनच स्टेशन आहेत. सर्वाधिक लोकसंख्या असलेल्या धनकवडी – बालाजीनगर भागात स्टेशन नसल्याने आश्चर्य व्यक्त करण्यात येत आहे. या मेट्रो मार्गासाठी सुमारे 4 हजार 200 कोटी रुपये खर्च येणार आहे. सध्या वनाज ते रामवाडी आणि पिंपरी ते स्वारगेट या दोन मेट्रो मार्गाचे काम सुरू आहे. पुणे शहराच्या चारही बाजूंनी मेट्रोला मागणी वाढती आहे.