Swargate – पावभाजीच्या ऑर्डरला उशीर केल्याने कामगारास लोखंडी हत्यारांनी मारहाण
एमपीसी न्यूज – पावभाजीच्या ऑर्डरला उशीर केल्याच्या कारणावरून हातगाड्यावरील मालकास चौघांनी मिळून बेदम मारहाण केल्याची घटना काल रविवारी रात्री १२:३० वाजण्याच्या सुमारास स्वारगेटजवळील पुणे-सातारा रोडवर असणा-या पुजा पावभाजी आणि ए-वन सॅंडविच या हातगाड्याजवळ घडली.
याप्रकरणी मिलींद भालेराव (वय 42, रा.महर्षीनगर) यांनी फिर्याद दिली आहे.
पोलिसांनी दिलेल्या माहितीनुसार,फिर्यादी मिलींद यांचे स्वारगेटजवळील पुणे-सातारा रोडवर पुजा पावभाजी आणि ए-वन सॅंडविच नावाचा हातगाडा आहे. त्यांच्या हातगाड्यावर काल १२:३० वाजण्याच्या सुमारास चार अनोळखी इसमांनी येऊन कामगाराला पावभाजीची ऑर्डर दिली. दरम्यान कामगाराला पावभाजी बनविण्यासाठी उशीर झाल्याच्या कारणावरून त्या चौघांनी मिळून फिर्यादी मिलिंद यांना शिविगाळ करत गाड्यावरीस लोखंडी हत्यारांनी आणि लाथा-बुक्क्यांनी मारहाण केली.आणि त्यांना धमकी देऊन ते चारजण तेथून निघून गेले.
याप्रकरणी चार अज्ञात इसमांवर गुन्हा दाखल करण्यात आला असून पुढील तपास स्वारगेट पोलीस करत आहेत.