Swarnim Vijay Varsh : चित्तथरारक व नेत्रदीपक हवाई प्रात्यक्षिकांनी पुणेकर मंत्रमुग्ध!
एमपीसी न्यूज – पाकिस्तान विरुद्ध झालेल्या 1971 च्या भारत -पाक युद्धातील विजयाच्या सुवर्णमहोत्सवानिमित्त शनिवारी (दि.16) पुणे एअर फोर्स स्टेशन येथे हवाई प्रात्यक्षिकांचे आयोजन करण्यात आले होते. याप्रसंगी निवृत्त हवाईदल प्रमुख एअर चीफ मार्शल पी. व्ही. नाईक आणि लष्कराच्या दक्षिण विभागाचे प्रमुख लेफ्टनंट जनरल जे. एस. नैन यांच्यासह अनेक मान्यवर उपस्थित होते.
प्रात्यक्षिकांची सुरुवात प्रसिद्ध ‘एअर डेव्हिल्स’ स्काई डायव्हर्सने केली. एअर डेव्हिल्सने त्यांच्या रंगीत पॅराशूटसह Mi-17 हेलिकॉप्टरमधून उडी मारली, तर पुण्याच्या आकाशात सारंग डिस्प्ले टीमने त्यांच्या प्रगत लाइट हेलिकॉप्टरसह आणि सूर्यकिरण एरोबॅटिक टीमने त्यांच्या हॉक एमके 152 विमानांसह एक रोमांचक एअर शो देखील सादर केला.
चार ‘मेड इन इंडिया’ ध्रुव प्रगत लाइट हेलिकॉप्टरसह सारंग डिस्प्ले टीमने त्यांच्या नेत्रदीपक सादरीकरणाने उपस्थितांना मंत्रमुग्ध केले. ग्रँड फिनाले हे सूर्यकिरण एरोबॅटिक टीमच्या 9 विमानांनी एक चमकदार प्रात्यक्षिक केले ज्यात पुणे आकाशातून त्यांनी ज्वलंत कॉन्ट्राइल्सने छेदून प्रेक्षकांची मने जिंकली.
1971 च्या युद्धातील विजयाचे 50 वे वर्ष साजरे करत असताना, 2020-21 ला भारत सरकारने ‘स्वर्णिम विजय वर्ष’ म्हणून घोषित केले आहे. देशासाठी सर्वोच्च बलिदान देणाऱ्या भारतीय सशस्त्र दलांच्या युद्ध नायकांना ‘स्वर्णिम विजय वर्ष’ समर्पित करण्यात आले आहे. 1971 च्या ऐतिहासिक युद्धामुळे दुसरे महायुद्धानंतरचे सर्वात मोठे लष्करी आत्मसमर्पण झाले, ज्यामध्ये 93 हजार शत्रू सैन्याने भारतीय सशस्त्र दलांसमोर शस्त्र ठेवले.
