Talegaon Dabhade News : संत ज्ञानेश्वर विद्यालयास ई- लर्निंग संच भेट
एमपीसीन्यूज : रोटरी क्लब ऑफ तळेगाव दाभाडे आणि रोटरी क्लब पुणे- पाषाण व कंपनीचे अधिकारी आशिष त्रिभुवन यांच्या संयुक्त विद्यमाने तळेगाव दाभाडे नगरपरिषदेच्या संत ज्ञानेश्वर माध्यमिक शाळा क्र. 6 येथे डिजिटल स्कूल मोहिमेतंर्गत इयत्ता 9 वी व 10 वी साठी ई- लर्निंग संच भेट देण्यात आला. याचा वर्गात तसेच मैदानावरही वापर करता येणार आहे, अशी माहिती आशिष त्रिभुवन व प्रकल्प प्रमुख महेश महाजन यांनी दिली.
उद्योजक सुधाकर शेळके यांच्या हस्ते ई- लर्निंग संच भेट देण्यात आला. यावेळी तळेगाव नगरपरिषदेचे शिक्षण समितीचे सभापती गणेश खांडगे, आशिष त्रिभुवन, यादवेंद्र खळदे, विलास जाधव, रोटरी क्लबचे अध्यक्ष राहुल दांडेकर, प्रकल्प प्रमुख महेश महाजन व प्रकल्प समन्वयक बाळासाहेब चव्हाण, विश्वनाथ मराठे, प्रभाकर निकम, डाॅ सूर्यकांत पुणे, श्रीशैल मेंथे, जनार्दन ढम, अरूण बारटक्के, भालचंद्र लेले, मुख्याध्यापक अमोल पाटील आदी उपस्थित होते.
अमोल पाटील व सुरेखा जाधव यांनी सूत्रसंचालन केले. तर राहूल दांडेकर यांनी आभार मानले.
प्रियंका हातेकर, प्रतिभा काळे, दीपमाला गायकवाड, आशा खुणे, दत्तात्रय कोकाटे यांनी कार्यक्रम यशस्वीतेसाठी विशेष परिश्रम घेतले.
